visum_16b فيزة اللغة

بالذات للأطباء او طلاب الدراسات العليا الراغبون بال تقديم على فيزا اللغة visum_16b لتجنب مشوار االمراسة، . الفيزا 16b احدى الطرق المساعدة، وحاليا من اول الشهر التاسع تقريبا رجعت الفيزا بعد ماتوقفت فترة طويلة,

مميزاتها

 أهم شي انو فيك تطلع من الصفر عن طريقا يعني هي فيزا لتعلم اللغة الالمانية بألمانيا وبيعطوها للدكاترة بدون تعقيد مو بحاجة أبدا لاكاديميات او شركات او وساطات
مو ملزم ببيشايد أو ولايات معينة ببساطة فيك تختار الولاية او المدينة اللي بدك ياها وتجي

الأوراق المطلوبة

1- حجز معهد لغة بالمانيا
2 -طلب الفيزا من موقع السفارة
3 -كشف حساب بنكي او ورقة الكفالة
4- بيان مكان سكنك بالمانيا (يعني تعطيهم عنوان في المانيا )
5- اوراقك الشخصية اللي بتخص جامعتك ودراستك وشغلك وثبوتات الشخصية وهي :
صورة جوازك / صورتين شخصيات (شوف موقع السفارة لتعرف شروط ) / اخراج قيد / لاحكم عليه / لقاح شلل الأطفال/ مصدقة تخرجك / شهادة تخرجك / كشف علاماتك / ترخيصك المؤقت او الدائم / شهادة اختصاصك ( في حال كنت أخصائي) / لاحكم عليه / شهادة البكالوريا / حسن السيرة والسلوك من النقابة ومن الصحة/ اي ورقة بتخص دراستك او شغلك او شهادات خبرة كمان حلو ترفقهم
كل الاوراق السابقة لازم تترجم للألمانية وتتصدق من الخارجية
6- اوراق أخرى مو بحاجة تصديق: CV مع توقيعك عليه
7- رسالة الدافع / رسالة توصية من عميد كليتك.

بتأخذ موعد من السفارة وبتقدم الوراق وبتعمل مقابلتك وتستنى على أعصابك مثل كل الخلق…

ملاحظات هامة جدا:

– تعلم لغة بالبدء قد مافيك واذا أخذت شهادة ال ب2 احسن واحسن
– وساعتها عندك حلين يا أما بتقدم ع بحث عن عمل او ما بتخبر السفارة انك عامل لغة وتجي عأساس فيزا لغة.

  • حجز معهد لغة بيقدر اي حدا موجود هنا يخدمك فيه وحاول تبعد عن المكاتب والواسطات

– موعد السفارة (اسأل اللي حواليك عن هذه القصة ولا بأس تستعين بمكتب)

– فتح حساب بنكي فيك تفتحه لوحدك او أي شخص موجود هنا ممكن يساعدك فيه واذا مافي حدا معك ساعتها أمرك لله لاقيلك مكتب رخيص يزبط وضعك

– رسالة الدافع في كثير نماذج على النت وفيك تستعمل قوالب جاهزة
– الCV اعملها على الطريقة الاوروبية واستعمل موقع يورو باس هو الافضل.

موقع لعمل السي في بطريقة محترفة

– كل الاوراق السابقة بتصورها نسختين وبتأخذهن معك مع الأصليات لموعد المقابلة
وهناك الموظف بيقارن وبيرجعلك الأصليات

النقطة الأهم:

وبعدين شو؟؟؟
بعدين ياصديقي مثلك مثل الكل بس توصل لهنا بترمم لغتك بتعمل كورسات طبية اذا بدك او بتروح ع ستاجات بتشوف ولايتك شو بدها شروط بتدور ع ولاية بتناسبك
وبتستفيد من تجارب اللي متلك …
هاد الطريق مشترك للكل وكيف ماكانت الطريقة اللي رح تجي فيها فالانتظار والامتحانات والقلق أكيد بإنتظارك لكن كله بيفرج بعدين.

(منقول صفحة الأطباء السوريين بالفيس بوك )